شاہ رخ خان کے بیٹے آریان کو اب تک اپنا پاسپورٹ واپس نہیں ملا؟

آریان خان

آریان خان نے عدالت سے اپنا پاسپورٹ واپس کرنے کی درخواست کر دی۔

غیر ملکی خبررساں ادارے کے مطابق اُنہوں نے ایک خصوصی این ڈی پی ایس عدالت میں اپنا پاسپورٹ واپس کرنے کی درخواست دائر کی ہے۔

یاد رہے کہ اداکار شاہ رخ خان کے بیٹے آریان خان، جنہیں کروز شِپ منشیات کیس میں این سی بی سے کلین چٹ مل گئی ہے۔

تاہم اس حوالے سے عدالت نے نارکوٹکس کنٹرول بیورو (این سی بی) کو جواب جمع کروانے کی ہدایت کرتے ہوئے درخواست پر سماعت 13 جولائی کو مقرر کی ہے۔

واضح رہے کہ آریان خان کو نارکوٹکس کنٹرول بیورو (این سی بی) نے گزشتہ برس اکتوبر میں ہائی پروفائل منشیات کیس میں گرفتار کیا تھا لیکن تحقیقاتی ایجنسی نے رواں سال مئی میں داخل کی گئی چارج شیٹ میں ان کا نام بطورِ ملزم نہیں لیا۔

شاہ رخ خان کے بڑے بیٹے آریان خان کو اُن کے دوستوں سمیت منشیات استعمال کرنے کے الزام میں حراست لیا گیا تھا۔

تقریباََ 28 دن جیل میں گزارنے کے بعد آریان خان کو گزشتہ برس 30 اکتوبر کو ممبئی کی آرتھر روڈ جیل سے ضمانت پر رہا کیا گیا تھا۔

Comments: 0

Your email address will not be published. Required fields are marked with *