ڈیرن سیمی کو ستارہ پاکستان سے نواز دیا گیا
سابق ویسٹ انڈین کپتان ڈیرن سیمی کو پاکستان میں کرکٹ کی بحالی میں اہم کردار ادا کرنے پر ستارہ پاکستان سے نواز دیا گیا۔
27 مئی کو سوشل میڈیا پر ڈیرن سیمی کی جانب سے ایک مختصر ویڈیو پوسٹ کی گئی جس میں انہیں قمیض شلوار میں گھر سے نکل کر کہیں جاتے ہوئے دیکھا جا سکتا ہے۔
Guess what I’m receiving today?? pic.twitter.com/MBnx7xEvzV
— Daren Sammy (@darensammy88) May 27, 2022
اس مختصر ویڈیو کے کیپشن میں ڈیرن سیمی نے لکھا کہ اندازہ لگائیں، آج میں کیا حاصل کرنے جا رہا ہوں۔
بعد ازاں انہوں نے ٹوئٹر پر ایک اور تصویر شیئر کی جس میں انہیں ستارہ پاکستان سے نوازا جا رہا ہے۔ ڈیرن سیمی کو یہ ان کے آبائی علاقے سینٹ لوشیا میں دیا گیا۔
ڈیرن سیمی نے لکھا کہ جی ہاں، یہ میں ہوں جسے ستارہ پاکستان سے نوازا جا رہا ہے، میرے لیے بہت ہی فخر کی بات ہے۔
There it is👇🏾👇🏾👇🏾me collecting the
Sitara-I-Pakistan award 🥇. Such a proud moment https://t.co/Dv82dZ9fMC pic.twitter.com/W9FZjBQxaF— Daren Sammy (@darensammy88) May 30, 2022
سابق ویسٹ انڈین کپتان کو کرکٹ شائقین کی جانب سے پاکستان میں کرکٹ کی بحالی کے لیے خدمات سرانجام دینے پر سراہے جانے کے ساتھ ساتھ انہیں اعزاز ملنے پر مبارکباد بھی دی جا رہی ہے۔
یاد رہے کہ پاکستان میں انٹرنیشنل کرکٹ کی بحالی اور خدمات پر حکومت پاکستان نے گزشتہ سال ڈیرن سیمی کے لیے ستارہ پاکستان کا اعلان کیا تھا۔