لاہور میں پولیس اہلکار نے لین دین کے تنازع پر نوجوان کو قتل کردیا

لاہور: پنجاب کے دارالحکومت لاہور میں پولیس اہلکار نے لین دین کے تنازع پر کراچی کے رہائشی نوجوان کو قتل کردیا۔

ذرائع کے مطابق لاہور کے علاقے ڈیفنس فیز 6 میں فائرنگ کا واقعہ پیش آیا، جس میں پولیس اہلکار کامران صادق نے ایک نوجوان کو فائرنگ کر کے قتل کیا، مقتول کی شناخت کامران اشتیاق کے نام سے ہوئی جو کراچی کے ضلع شرقی کا رہائشی ہے۔

مزید پڑھیں: تحریک انصاف کے رہنما حماد اظہر کے اکاؤنٹس ہیک، بحال کروانے کی اپیل

ابتدائی تحقیقات میں یہ بات سامنے آئی کہ پولیس اہلکار نے لین دین کے تنازع اور مقررہ وقت پر 10 لاکھ روپے واپس نہ کرنے پر نوجوان کو قتل کیا اور جائے وقوعہ سے فرار ہوگیا۔

ڈی آئی جی آپریشنزسہیل چوہدری نے واقعے کا نوٹس لیتے ہوئے ایس پی کینٹ سے رپورٹ طلب کی اور واقعے کی تمام پہلوؤں سے تحقیقات کی ہدایت جاری کی۔

انہوں نے کہا کہ قانون کی عمل داری لاہور پولیس کی ترجیحات میں شامل ہے، کوئی قانون سے بالاتر نہیں،مرکزی ملزم کو جلد گرفتار کر لیا جائے گا اور متاثرہ خاندان کو انصاف کی فراہمی یقینی بنائی جائے گی۔

Comments: 0

Your email address will not be published. Required fields are marked with *