ٹام کروز نے اپنی نئی فلم کا پہلا ٹریلر ریلیز کردیا

ٹام کروز

ہالی ووڈ اسٹارٹام کروز نے اپنی نئی فلم مشن: امپاسبل – ڈیڈ ریکننگ پارٹ 1 کا پہلا ٹریلر ریلیز کردیا۔

یوٹیوب پر ریلیز کیے گئے ٹریلر میں ہائی آکٹین ​​ایکشن سیکوئنسز اور ٹام کروز کے اعصاب شکن اسٹنٹس نے فلمی مداحوں کو حیران کردیا۔

اس فلم میں ٹام کروز سمیت کئی اور اہم کرداروں کی اسکرین پر واپسی دکھائی ہے جبکہ کئی نئے چہرے بھی اس فلم کا حصّہ ہوں گے۔

اس فلم کو پہلے میموریل ڈے ویک اینڈ کی افتتاحی تقریب میں پیش کرنے کا فیصلہ کیا گیا تھا لیکن پھر اچانک اس فلم کی ریلیز کو رواں سال 20 ستمبر کے لیے شیڈیول کردیا گیا۔

تاہم فلم کا سنیما گھروں میں اگلے سال جولائی میں ریلیز کا باقاعدہ اعلان کر دیا گیا ہے۔

واضح رہے کہ فلم مشن: امپاسبل – ڈیڈ ریکننگ پارٹ 1‘ فرنچائز’مشن امپاسبل‘ کی ساتویں انسٹالمنٹ ہے جو کہ کرسٹوفر میک کوری کی ہدایتکاری میں بنائی گئی ہے۔

اس فلم میں ونگ رمز، سائمن پیگ، ریبیکا فرگوسن، وینیسا کربی اور ہیلی ایٹول کے علاوہ دیگر اداکار بھی اپنی شاندار اداکاری کے جوہر دکھاتے نظر آئیں گے۔

Comments: 0

Your email address will not be published. Required fields are marked with *