اسلام آباد میں ایک بار پھر بیچ سڑک پر خاتون کا “پول ڈانس”، ویڈیو وائرل

اسلام آباد

مملکتِ خداداد اسلامی جمہوریہ پاکستان کے دارالحکومت اسلام آباد سے ایک بار پھر ویڈیو وائرل ہو رہی ہے، جس میں خاتون کو بیچ سڑک پر پول ڈانس کرتے دیکھا جاسکتا ہے۔

مبینہ طور پر اسلام آباد کے آئی ایٹ مرکز پر بنی اس ویڈیو کو دیکھ کر بظاہر ایسا لگتا ہے کہ اس میں موجود خاتون وہی ہیں جو جن کی ویڈیو گزشتہ ہفتے بھی وائرل ہوئی تھی۔ لیکن اس حوالے سے مصدقہ اطلاعات موجود نہیں۔

ٹویٹر پر ویڈیو کے وائرل ہوتے ہی ٹویپس اور ٹرولز کے تبصروں کی بھرمار ہوگئی۔

جلالینز نامی ٹویٹر ہینڈل نے خاتون کے ڈانس مووز کو تنقید کا نشانہ بنایا۔

خیال رہے کہ گزشتہ ہفتے بھی اسلام آباد سے ہی ایک ویڈیو وائرل ہوئی تھی جس میں ایک خاتون کو سڑک پر نصب کھمبے کے ساتھ رقص کرتے دیکھا گیا تھا۔

ویڈیو کو ایک شخص نے شوٹ کیا تھا، اور اسلام آباد پولیس کےہینڈل کو ٹیگ کرتے ہوئے ضروری کارروائی کا مطالبہ بھی کیا تھا۔

جواب میں پولیس کا کہنا تھا کہ مذکورہ ویڈیو 3 دن پرانی ہے اور عینی شاہدین کا کہنا ہے کہ خاتون دماغی طور پر صحت مند نہیں تھیں۔

Comments: 0

Your email address will not be published. Required fields are marked with *