نائیجیریا میں فوج پر مسلح افراد کی فائرنگ، ہلاکتیں

ابوجا: نائیجیرین فوج پر گشت کے دوران مسلح افراد نے بھاری ہتھیاروں سے حملہ کردیا، جس کے نتیجے میں متعدد فوجی ہلاک جب کہ دو لاپتہ ہوگئے۔

غیر ملکی میڈیا کے مطابق خانہ جنگی کا شکار افریقی ملک نائیجیریا کی فوج پر مسلح افراد نے ایک اور حملہ کیا ہے جس کی زد آکر نائیجیرین فوج کی 93 بٹالین کے 7 اہلکار زندگی کی بازی ہار گئے۔ دہشت گردوں نے رات گئے نائیجیریا کے ٹاٹی نامی گاؤں میں فوجی قافلے پر بھاری ہتھیاروں سے حملہ کیا تھا۔

مزید پڑھیں: گھبراتے کیوں ہو منزل کے متلاشیوں

عرب خبر رساں ادارے کا کہنا ہے کہ 93 بٹالین پر حملے کے بعد سے بریگیڈئر جنرل اور ان کے معاون لاپتہ ہیں، جن کی تلاش کیلئے فوج نے سرچ آپریشن کا آغاز کردیا ہے۔

رپورٹ میں کہا گیا ہے کہ ابھی تک کسی بھی مسلح گروہ نے حملے کی ذمہ داری قبول نہیں کی ہے جب کہ آرمی کے ترجمان بھی حملے سے متعلق تبصرہ کرنے سے گریز کررہے ہیں۔

مزید پڑھیں: حق اور باطل کے معرکے میں حق والے ہی سرخرو ہوں گے: علامہ راشد سومرو

خیال رہے کہ گزشتہ ماہ نائیجیریا کے علاقے ترابا میں داعش کے حملے میں تین افراد ہلاک اور 30 سے زائد زخمی ہوگئے تھے۔

گزشتہ دس برس سے نائیجیریا میں مختلف مسلح گروہ سرگرم ہیں جو مختلف قوموں اور سیکیورٹی فورسز کو دہشت گردانہ کارروائیوں کا نشانہ بناتے رہتے ہیں۔

Comments: 0

Your email address will not be published. Required fields are marked with *