‘مدینہ میں جو ہوا نہیں ہونا چاہیے تھا اور آئندہ شاید نہ ہو‘

پاکستان شوبز انڈسٹری کے نامور موسیقار اور اداکار ہارون شاہد نے مسجد نبویﷺمیں نعرے بازی کی مذمت کی ہے۔

ہارون شاہد نے سماجی رابطے کی ویب سائٹ ٹوئٹر پر جاری پیغام میں کہاکہ مدینہ میں جو ہوا نہیں ہونا چاہیے تھا اور آئندہ شاید نہ ہو۔

اُنہوں نے اسی ٹوئٹ میں ماضی کے ایک واقعے کا ذکر کرتے ہوئے کہاکہ اور ہاں یاد آیا قائد اعظم کے مزار پر بھی نعرے بازی منع ہےویسے، کچھ یاد آیا؟

واضح رہے کہ گزشتہ روز وزیراعظم شہبازشریف 13 رکنی وفد کے ہمراہ سعودی عرب کے 3 روزہ سرکاری دورے پر مدینہ منورہ پہنچے۔

اس مو قع پر جب وزیر اعظم اور ان کا وفد روضہ رسول ﷺ پر حاضری دینے پہنچا تو مسجد نبوی ﷺ کے احاطے میں کچھ افراد نے نعرہ بازی شروع کردی۔

سوشل میڈیا پر وائرل ہونے والی ویڈیوز میں دیکھا جا سکتا ہے کہ کچھ افراد مریم اورنگزیب اور شازین بگٹی کو گھیرتے ہوئے ان کے خلاف چور ،چورکے نعرے لگا رہے ہیں۔

Comments: 0

Your email address will not be published. Required fields are marked with *