یووراج سنگھ اور ہیزل کے ہاں ننھے مہمان کی آمد

بھارتی کرکٹر یووراج سنگھ اور ادکارہ ہیزل کیچ کے ہاں بیٹے کی پیدائش ہوئی ہے۔

بھارت کو دوسری بار کرکٹ کا عالمی چیمپئن بنانے میں اہم کردار ادا کرنے والے آل راؤنڈر یووراج سنگھ اور اداکارہ ہیزل کیچ کے ہاں بیٹے کی پیدائش ہوئی ہے۔

کرکٹر اور اداکارہ دونوں نے سماجی رابطے کی ویب سائٹ کے ذریعے مداحوں کے ساتھ یہ خوشخبری شیئر کرتے ہوئے کہا کہ ہمارے ہاں گزشتہ روز ننھے مہمان کی آمد ہوئی ہے۔

اداکارہ ہیزل کیچ نے انسٹاگرام پر پوسٹ کرتے ہوئے لکھا ’’ ہم اپنے دوستوں، فیملی اور مداحوں کے ساتھ یہ خبر شیئر کرتے ہوئے بہت فخر محسوس کررہے ہیں کہ آج ہمیں خدا نے اپنی نعمت سے نوازا ہے‘‘۔

اداکارہ نے لکھا کہ ہم اس پر خدا کا شکر ادا کرتے ہیں اور آپ سب سے درخواست کرتے ہیں کہ ہماری پرائیوسی کی قدر کریں۔

اس سے قبل اپنی شادی کی پانچویں سالگرہ پر اداکارہ ہیزل کیچ نے یووراج سنگھ کے ہمراہ ایک تصویر شیئر کرتے ہوئے جذباتی پوسٹ شیئر کی۔

Comments: 0

Your email address will not be published. Required fields are marked with *