ون ڈے پلیئر آف دی ایئر ایوارڈ کی نامزدگیوں میں بابر اعظم بھی شامل
دبئی: آئی سی سی نے ون ڈے پلئیر آف دی ائیر کے لئے نامزدگیاں کا اعلان کردیا ہے جس میں کپتان بابر اعظم بھی شامل ہیں۔
انٹرنیشنل کوکٹ کونسل (آئی سی سی) نے ون ڈے پلئیر آف دی ائیر کے لئے نامزدگیوں کا اعلان کیا ہے جس میں قومی ٹیم کے کپتان بابر اعظم کو بھی شامل کیا گیا ہے جبکہ اس فہرست میں بنگلہ دیش کے شکیب الحسن بھی شامل ہیں۔
آئی سی سی کی جانب سے جاری کردہ ون ڈے پلیئر آف دی ایئر کی نامزدگیوں کی فہرست میں جنوبی افریقہ کے ینامن ملان اور آئر لینڈ کے پال اسٹرلنگ بھی شامل ہیں۔
🇧🇩 🇵🇰 🇿🇦 ☘️
Four stars have been nominated for the ICC Men's ODI Player of the Year 2021 award 💥
Details 👇https://t.co/C2sZWGeIOV
— ICC (@ICC) December 30, 2021
یاد رہے کہ آئی سی سی نے ٹی ٹوئنٹی پلیئر آف دی ایئر کی نامزدگیوں کا بھی اعلان کیا تھا جس میں قومی ٹیم کے وکٹ کیپر بیٹر محمد رضوان کو شامل کیا تھا جبکہ اس فہرست میں 4 کھلاڑی شامل تھے۔
آئی سی سی ٹی ٹوئنٹی پلیئر آف دی ایئر کی فہرست میں محمد رضوان کے علاوہ سری لنکن اسپنر وانندو ہسارنگا، آسٹریلوی آل راؤنڈر مچل مارش اور انگلش وکٹ کیپر و بلے باز جوز بٹلر کو بھی شامل کیا تھا۔
واضح رہے کہ آئی سی سی نے ویمنز پلیئر آف دی ایئر کی نامزدگیوں کا بھی اعلان کیا ہے جس میں بھی پاکستانی کھلاڑی فاطمہ ثنا کو شامل کیا ہے، اس فہرست میں جنوبی افریقہ کی لیزل لی، انگلینڈ کی ٹیمی بیماونٹ اور ویسٹ انڈیز کی ہیلے میتھیوز شامل ہیں۔
