گلوکار ہنی سنگھ اہلیہ تشدد کیس میں عدالت میں پیش

گلوکار

ممبئی: بھارتی گلوکار یو یو ہنی سنگھ اہلیہ پر تشدد کے کیس میں نئی دہلی کی مقامی عدالت میں پیش ہوئے۔

تفصیلات کے مطابق یو یو ہنی سنگھ اپنے وکلا کے ہمراہ نئی دہلی کی تیس ہزاری عدالت میں پیش ہوئے۔

کیس کی 28 اگست کو ہونے والی سماعت میں ہنی سنگھ کی اہلیہ شالینی تلوار عدالت میں رو پڑی تھیں اور کہا تھا کہ انہوں نے ہنی سنگھ کو اپنی زندگی کے 10 سال دیے اور بدلے میں انہوں نے انہیں چھوڑ دیا۔

خیال رہے کہ بھارتی گلوکار ہنی سنگھ کے خلاف ان کی اہلیہ شالینی تلوار نے جنسی و گھریلو تشدد سمیت متعدد الزامات عائد کیے ہیں اور ان پر مقدمہ بھی کردیا ہے۔

گلوکارہ کی اہلیہ شالینی تلوار نے اپنے شوہر ہنی سنگھ پر گھریلو تشدد سمیت جنسی تشدد، ذہنی ہراسانی اور مالی تشدد کے الزامات عائد کرتے ہوئے ان پر مقدمہ دائر کر دیا ہے اور 20 کروڑ بھارتی روپے زرتلافی کا مطالبہ کیا ہے۔ دوسری جانب ہنی سنگھ نے ان تمام الزامات کو بے بنیاد قرار دے کر مسترد کردیا ہے۔

Comments: 0

Your email address will not be published. Required fields are marked with *