حکومت کا عیدالاضحی سے قبل تنخواہ،پنشن اور الائونس جاری کرنے کا حکم

کراچی : وفاقی اور سندھ حکومت نے بھی عید الاضحٰی کے باعث سرکاری ملازمین کو جولائی کی تنخواہ سولہ جولائی کو دینے کا فیصلہ کیا ہے۔وزارت خزانہ نے سرکاری ملازمین کو سولہ جولائی کو تنخواہیں جاری کرنے کا نوٹیفکیشن جاری کردیا۔ وزارت خزانہ کے حکم نامے کے مطابق عید الاضحٰی 21 یا 20 جولائی کو متوقع ہے۔ لہذا عید الاضحٰی سے پہلے سولہ جولائی کو ملازمین کو تنخواہوں کی ادائیگی کے انتظامات کئے جائیں۔

علاوہ ازیں سندھ حکومت نے بھی عیدالاضحی کے موقع پر سرکاری ملازمین و افسران کی تنخواہیں ایڈوانس میں ادا کرنے کا حکم جاری کیا ہے ۔ محکمہ خزانہ کے ایک حکم نامے میں کہا گیا ہے کہ سرکاری ملازمین کو تنخواہیں اور پنشن یکم اگست کے بجائے 16 جولائی تک ادا کی جائیں۔

محکمہ موسمیات نے اہم پیش گوئی کی ہے کہ عیدالاضحی 21 جولائی کو ہوگی، کیونکہ 10 جولائی کو چاند نظر آنے کے امکانات انتہائی کم ہیں، چاند نظر آنے کی صورت میں یکم ذی الحج 11 جولائی اور عید الاضحی 20 جولائی کو ہوسکتی ہے، دس جولائی کو چاند نظر نہ آنے کی صورت میں یکم ذی الحج 12 جولائی اور عیدالاضحی 21 جولائی کو ہوگی۔

Comments: 0

Your email address will not be published. Required fields are marked with *