ٹک ٹاک اسٹار حریم شاہ نے رکن سندھ اسمبلی سے شادی کرلی

حریم شاہ

کراچی: ٹک ٹاک اسٹار حریم شاہ نے پیپلزپارٹی کے رکن سندھ اسمبلی سے شادی کرلی۔

تفصیلات کے مطابق ٹک ٹاک اسٹار حریم شاہ نے چند روز قبل فوٹوشیئرنگ ایپ انسٹاگرام پر عروسی لباس میں متعدد تصاویر اپ لوڈ کی تھی۔

حریم شاہ نے ایک اور پوسٹ میں اپنے ہاتھ کی تصویر شیئر کی تھی جس میں انہوں نے ہاتھ میں انگوٹھی بھی پہن رکھی تھی اور پوسٹ کے کیپشن میں انہوں نے اللہ کا شکر ادا کیا تھا۔

حریم نے تصویر کے کیپشن میں الحمداللہ لکھا تھا تاہم ٹک ٹاک اسٹار نے یہ واضح نہیں کیا تھا کہ وہ جن کا ہاتھ تھامے ہوئے ہیں وہ ان کے شوہر ہیں یا کوئی اور۔ بعد ازاں حریم کے اکاؤنٹ سے اس پوسٹ کو ڈیلیٹ کردیا گیا۔

نجی ٹی وی چینل سے بات کرتے ہوئے ٹک ٹاک اسٹار حریم شاہ نے اپنی شادی کی تصدیق کرتے ہوئے کہا کہ میں نے پیپلز پارٹی کے رکن سندھ اسمبلی سے شادی کر لی ہے تاہم انہوں نے شوہر کا نام بتانے سے گریز کیا۔

ٹک ٹاک اسٹار نے کہا کہ وہ اپنے شوہر کا نام اور شادی کی تفصیلات کے حوالے سے جلد مداحوں کو آگاہ کریں گی۔

Comments: 0

Your email address will not be published. Required fields are marked with *