کراچی کے ضلع وسطی میں 199 کورونا کیسز رپورٹ،علاقے میں لاک ڈاون نافذ

کراچی : (رپورٹ : اختر نواز ) ضلع وسطی کے چار ٹاؤنز میں 199 کورونا کیسسز سامنے آنے کے بعد مزید علاقوں اور گلیوں میں مائیکرو اسمارٹ لاک ڈاون نافذ کرکے نوٹیفیکشن جاری کر دیا گیا ۔

تفصیلات کے مطابق کراچی میں کورونا کیسز میں مسلسل اضافہ ہورہا ہے ، ضلع وسطی کے چار ٹاؤنز میں 199 کورونا کیسسز رپورٹ ہوئے ، جس کے بعد چاروں ٹاؤنز کے مزید علاقوں اور گلیوں میں مائیکرو اسمارٹ لاک ڈاون نافذ کرکے نوٹیفیکشن جاری کر دیا گیا۔

نوٹیفیکشن میں کہا گیا ہے کہ مائیکرو اسمارٹ لاک ڈاون 6 جون تک ضلع وسطی کے چار ٹاونز گلبرگ، نارتھ کراچی، لیاقت آباد اور نارتھ ناظم آباد کے مختلف علاقوں اور رہائشی یونٹس پر نافذ العمل رہے گا ۔

مزید پڑھیں: سندھ حکومت کاغیر ضروری گھرسےنکلنےوالوں کیخلاف کارروائی کاحکم

نوٹیفیکشن میں یہ بتایا گیا ہے کہ مائیکرو اسمارٹ لاک ڈاون ڈسٹرکٹ ہیلتھ آفیسر کی جانب سے ہاٹ اسپاٹ کی نشاندہی پر لگایا گیا یے، متاثرہ علاقوں میں آنے اور جانے والے تمام افراد کو ماسک پہننا لازمی قرار دیا ہے۔جاری نوٹیفکیشن میں کہا ہے کہ متاثرہ علاقوں کے لوگ کی غیر ضروری نقل و حرکت پر پابندی ہوگی اور تمام کاروباری و صنعتی سرگرمیاں معطل رہیں گی جبکہ متاثرہ علاقوں میں ڈبل سواری اور فیملی اجتماع پر پابندی ہو گی ۔

متاثرہ علاقوں کے کورونا مثبت افراد اپنے گھروں میں قرنطینہ رہیں گے، حکومت متاثرہ علاقوں میں بسنے والے مستحق افراد میں راشن تقسیم کرنے کے ہر ممکن اقدامات کرے گی ۔

Comments: 0

Your email address will not be published. Required fields are marked with *