اسلام آباد: وزیراعظم عمران خان بھی معروف مزاح نگار فاروق قیصر عرف انکل سرگم کے انتقال پر غمزدہ ہیں اور اس کا انھوں نے سوشل میڈیا پر اظہار بھی کیا۔
وزیراعظم نے سوشل میڈیا پر ایک پیغام جاری کیا، جس میں انھوں نے کہا کہ ’فاروق قیصر کے انتقال کی خبر سُن کر بہت دُکھ ہوا۔‘
انھوں نے کہا کہ ’فاروق قیصر صرف ایک اداکار نہیں تھے بلکہ اُنہوں نے اپنے فن کے ذریعے معاشرتی مسائل کے بارے میں بھی آگاہی جاری رکھی۔‘
ان کا کہنا تھا کہ ’ میں فاروق قیصر کے انتقال پر اُن کے اہل خانہ سے تعزیت کرتا ہوں اور مرحوم کی مغفرت کے لیے دُعاگو ہوں۔‘
Saddened to learn of Farooq Qaiser's death. He was not just a performer but would constantly raise awareness about social injustices and issues. My condolences and prayers go to his family.
— Imran Khan (@ImranKhanPTI) May 14, 2021
علم میں رہے کہ گزشتہ روز معروف مزاح نگار اور انکل سرگم جیسے پتلی تماشا کردار کے خالق فاروق قیصر انتقال کر گئے تھے، وہ عارضہ قلب میں مبتلا تھے۔
فاروق قیصر کے نواسے حسنین قیصر کا کہنا ہے کہ نانا کافی عرصے سے عارضہ قلب میں مبتلا تھے، طبیعت خراب ہونے پر انہیں اسپتال لے جانے کیلئے ایمبولینس بلائی مگر ان کا پہلے ہی انتقال ہوگیا۔
