سہراب گوٹھ میں بڑے ریسٹورنٹس کھلے اور چھوٹے ہوٹلوں کو بند کر دیا گیا : پاسبان

کراچی : پاسبان ڈیموکریٹک پارٹی کراچی کے جنرل سیکریٹری سردار ذوالفقار نے سہراب گوٹھ میں بڑے ریسٹورینٹس کے کھلے رہنے اور چھوٹے ریسٹورنٹ مالکان کو کھولنے کی اجازت نہ دینے کو بڑی بھتہ خوری کی علامت قرار دیا ہے اور کہا ہے کہ پورا سندھ باالخصوص کراچی بھتے پر چل رہا ہے، بغیربھتہ دیئے کوئی بھی کاروبار نہیں کر سکتا ۔

پاسبان ڈیموکریٹک پارٹی کراچی پریس انفارمیشن سیل سے جاری کردہ بیان میں سردار ذوالفقار نے کہا ہے کہ بھتہ خور حکمرانوں نے کورونا وبا کو بھی بھتہ خوربنا دیا ہے، پی ٹی آئی اور پی پی پی کی حکومت وینٹیلیٹر پر ہے ۔

مزید پڑھیں :کوئٹہ اور تربت میں ایف سی اہلکاروں پر بزدلانہ وار، تین اہلکار شہید

عوام آئندہ ووٹ دیتے ہوئے احتیاطی تدابیر اختیار کریں، ایسا لگتا ہے جیسے کوروناا وائرس پولیس اور انتظامیہ کے ماتحت ہے ۔ جہاں سے بھتہ ملے وہاں کورونا وائرس غائب اور ایس او پیز پر عمل نہیں ہوتا، مہنگائی کی سب سے بڑی اور اہم وجہ بھتہ اور بھتہ خور ہیں جن کا خاتمہ لا زمی اور ضروری ہو گیا ہے، پاسبان ڈیموکریٹک پارٹی عوام سے احتیاطی تدابیر پر عمل کرنے کی اپیل کرتی ہے۔

انہوں نے کہا کہ تمام انتظامی افسران و اہلکاروں کے اثاثہ جات کی غیر جانبدارانہ تحقیقات ہونی چاہئیں، بھتہ خور معاشرہ میں بگاڑپیدا کرنے اور عوام کی مشکلات و مہنگائی میں اضافے کاباعث ہیں، اداروں کو بھتہ خوروں سے پاک کرکے تاجروں اورعوام کو ریلیف دیا جاسکتا ہے اور ایس او پیز پر عمل درآمد کو بھی یقینی بنایا جاسکتا ہے ۔

Comments: 0

Your email address will not be published. Required fields are marked with *