این اے 249: ن لیگ دوبارہ گنتی سے پہلے ہی الیکشن کمیشن کا فیصلہ ماننے کو تیار

محمد زبیر

کراچی: پاکستان مسلم لیگ (ن) کراچی میں قومی اسمبلی کے حلقہ این اے 249 میں دوبارہ گنتی کا فیصلہ آنے سے قبل ہی اس کو ماننے کو تیار ہوگئی۔ 

سابق وزیراعظم نواز شریف و مریم نواز کے ترجمان اور سابق گورنر سندھ محمد زبیر نے این اے 249 میں دوبارہ گنتی کے بعد آنے والا فیصلہ تسلیم کرنے کا اعلان کردیا۔

جیو نیوز کے مطابق ’جیو پاکستان‘ سے گفتگو میں محمد زبیر نے کہا کہ دوبارہ گنتی کے بعد جو فیصلہ ہوگا کھلے دل سے تسلیم کریں گے۔

انہوں نے مزید کہاکہ این اے 249 کے ووٹوں کی دوبارہ گنتی کے الیکشن کمیشن کے فیصلے سے ہم مطمئن ہیں۔

سابق گورنر سندھ نے یہ بھی کہا کہ اگر ووٹوں کا فرق کم ہوتو دوبارہ گنتی میں نتیجہ تبدیل ہوسکتا ہے، تاہم تندو تیز جملے تو سیاسی عمل کا حصہ ہوتے ہیں، دوبارہ گنتی کے بعد جو نتیجہ آئے گا وہ قبول کریں گے۔

Comments: 0

Your email address will not be published. Required fields are marked with *