مبشر لقمان اور ٹک ٹاک اسٹارز کے درمیان قانونی جنگ کا آغاز

پاکستانی ٹی وی اینکر مبشر لقمان اور ٹک ٹاک اسٹارز حریم شاہ اور صندل خٹک کے درمیان جاری تنازع میں نیا موڑ سامنے آگیا، فریقین نے ایک دوسرے کے خلاف مقدمے کے اندراج کے لیے عدالت سے رجوع کرلیا۔

مبشر لقمان نے گزشتہ ماہ حریم شاہ اور صندل خٹک نامی ٹک ٹاک اسٹارز پر ان کے نجی طیارے میں بغیر اجازت بیٹھنے اور قیمتی سامان چوری کرنے کا الزام عائد کیا تھا۔

 

https://www.instagram.com/p/B1yZt6thnwu/

 

ٹی وی اینکر نے لاہور ہائی کورٹ میں دونوں خواتین سمیت پنجاب کے صوبائی وزیر فیاض الحسن چوہان کے خلاف بھی مقدمہ دائر کرنے کی درخواست دے دی۔

مبشر لقمان نے الزام لگایا کہ فیاض الحسن چوہان کی ایما پر یہ دونوں خواتین ان کے جہاز میں آئیں اور قیمتی چیزیں چرالیں، جن میں لاکھوں روپے مالیات کے کیمرے اور دیگر سامان شامل ہیں۔

 

خیال رہے کہ اینکر نے حریم اور صندل کی جہاز میں بنائی گئی ویڈیو سامنے آنے کے بعد تھانے میں ان کے خلاف شکایت بھی درج کروائی تھی، البتہ انہوں نے عدالت میں بتایا کہ متعلقہ پولیس اسٹیشن میں درخواست پر تسلی بخش کاروائی نہ ہونے پر وہ عدالت سے رجوع کررہے ہیں۔

دوسری جانب حریم شاہ اور صندل خٹک نے بھی لاہور کی ضلعی عدالت میں مبشر لقمان کے خلاف مقدمہ درج کرنے کی درخواست دائر کردی۔

ماڈلز نے اپنی درخواست میں بتایا کہ مبشر لقمان نے ان پر چوری کرنے کا جھوٹا الزام عائد کیا جبکہ دونوں خواتین نے مبشر لقمان پر انہیں ڈرانے اور دھمکیاں کا دینے کا الزام بھی عائد کیا۔

 

 

خیال رہے کہ چند روز قبل ان دونوں ماڈلز کی ایک ویڈیو بھی سوشل میڈیا پر سامنے آئی تھی جس میں یہ دونوں مبشر لقمان سے معافی مانگتی ہوئی نظر آرہی تھی جبکہ انہوں نے ٹی وی اینکر کو وطن کا چمکتا دمکتا ستارہ بھی کہا تھا۔

 

https://www.facebook.com/watch/?v=239376120320783

 

اس حوالے سے ڈان نیوز ڈاٹ ٹی وی سے بات کرتے ہوئے حریم شاہ کا کہنا تھا کہ انہوں نے یہ ویڈیو اس وقت بنائی تھی جب یہ معاملہ کورٹ تک نہیں پہنچا تھا۔

 

حریم شاہ کا کہنا تھا کہ ‘مبشر لقمان نے ہمیں فون کرکے دھمکیاں دیں کہ اگر ہم نے معافی مانگنے کی ویڈیو بناکر نہ بھیجی تو وہ ہمارے خلاف تھانے میں شکایت درج کرائیں گے، البتہ ہم نے یہ ویڈیو انہیں صرف ذاتی نمبر پر بھیجی تھی، ہم نے اپنے کسی اکاؤنٹ پر بھی اس ویڈیو کو ریلیز نہیں کیا تھا، البتہ انہوں نے یہ ویڈیو بعد میں سوشل میڈیا پر شیئر کردی’۔

 

 

 

معافی مانگنے کی ویڈیو بنانے کے حوالے سے ماڈلز نے بتایا کہ ‘مبشر لقمان نے ہمیں فون کرکے درخواست کی اور کہا کہ ان کی بیوی ان پر شک کررہی ہیں اور ان کا گھر خراب ہوسکتا ہے، اس لیے ہم نے یہ ویڈیو بنائی، تاہم بعد میں انہوں نے ہمیں دھمکیاں بھی دیں اور ان کے گھر سے متعدد افراد کی کالز بھی ہمیں موصول ہوئیں’۔

 

Comments: 0

Your email address will not be published. Required fields are marked with *