برادر اسلامی ملک الجزائر کا اعزاز

الجزائر

تحریر : علی ہلال


شمالی افریقا کے سب سے بڑے اور اسلامی دنیا کے دوسرے بڑے ملک الجزائر کے حصے میں ایک نیا اعزاز آیا ہے ۔ فرانسیسی استعمار سے ایک طویل خونی جنگ کے نتیجے میں 1962 میں آزادی حاصل کرنے والے الجزائر میں عالمی سطح پر سب سے زیادہ انجینئر خواتین موجود ہیں ۔

اقوام متحدہ کے تعلیمی ،سائنسی وثقافتی ادارے ’’یونیسکو ‘‘ کی عالمی سروے رپورٹ کے مطابق الجزائر کو دنیا کی سب سے زیادہ خواتین انجینئرز رکھنے کا اعزاز حاصل ہے ۔

عالمی ادارے کی رپورٹ کے مطابق عالمی سطح پر سب سے زیادہ خواتین انجینئرز رکھنے والے ممالک میں نہ صرف ایک بلکہ چار عرب ممالک سرفہرست ہیں ۔ جن میں الجزائر کے ساتھ تیونس،مصر،عمان ،شام اورمراکش شامل ہیں ۔

اس فہرست میں الجزائر سمیت ان عرب ممالک کو امریکہ ، کینیڈا اورآسٹریلیا پر بھی تفوق اوربرتری حاصل ہے ۔

Comments: 0

Your email address will not be published. Required fields are marked with *