پی ایس 52 پرPPPسے GDA کے ارباب رحیم کی شکست

غلام ارباب رحیم

کراچی: عمر کوٹ پی ایس 52 پر ضمنی الیکشن کے غیر حتمی غیر سرکاری نتیجے کے مطابق پیپلزپارٹی کے امیدوار امیر علی شاہ نے کامیابی حاصل کرلی۔

اطلاعات کے مطابق عمر کوٹ پی ایس 52 پر پیپلزپارٹی کے امیدوار امیر علی شاہ نے کامیابی حاصل کرلی، گرینڈ ڈیمو کریٹک الائنس (جی ڈی اے) کے امیدوار سابق وزیر اعلیٰ سندھ ارباب غلام رحیم دوسرے نمبر پر رہے۔

تمام 128 پولنگ اسٹیشنز کے غیر سرکاری و غیر حتمی نتائج کے مطابق پیپلزپارٹی کے امیر علی شاہ 55 ہزار 904 ووٹ لے کر کامیاب ہوئے۔

جی ڈی اے کے امیدوار ارباب غلام رحیم 30 ہزار 921 ووٹ لے کر دوسرے نمبر پر رہے۔پیپلزپارٹی کے امیدوار سید امیر علی شاہ نے میڈیا سے گفتگو کرتے ہوئے کہا کہ آج سب کو پتا چل گیا عوام کس کے ساتھ ہیں، مرحوم والد نے عمر کوٹ کے عوام کی 41 سال خدمت کی میں بھی عوام کو تنہا نہیں چھوڑوں گا۔

ادھر پیپلزپارٹی کے امیدوار امیر شاہ کی رہائشگاہ پر کارکنوں کی آمد اور جشن شروع ہوگیا، پیپلزپارٹی کارکنان ا?تش بازی، ڈھول کی تھاپ پر رقص کرکے ان کی جیت کا جشن منارہے ہیں۔

Comments: 0

Your email address will not be published. Required fields are marked with *