جمال خاشقجی قتل کیس، 8 ملزمان کو سزائیں

ریاض: سعودی عرب کی عدالت نے صحافی جمال خاشقجی قتل کیس میں 8 ملزمان کو سزائیں سنادی گئی ہیں-

سعودی پریس ایجنسی کے مطابق سعودی عدالت نے صحافی کے قتل میں نامزد 8 میں 5 ملزمان کو 20 سال اور 3 کو سات سے دس سال قید کی سزا سنائی ہے۔

استنبول کے سعودی سفارت خانے میں لاپتہ ہونے والے صحافی جمال خاشقجی کے قتل کیس کی سماعت مقامی عدالت میں ہوئی۔

واضح رہے کہ جمال خاشقجی قتل کیس میں 20 سے زائد افراد کو حراست میں لیا گیا تھا، بعد ازاں 8 ملزمان پر مقدمہ چلا تھا۔

فیصلے کے مکمل مندرجات منظر عام پر نہیں آئے ہیں اور ملزمان کے نام بھی ظاہر نہیں کیے گئے ہیں۔

عدالتی فیصلے میں کہا گیا ہے کہ سزا حتمی ہے جسے چیلنج نہیں کیا جا سکے گا تاہم سعوی قوانین کے تحت مقتول کے اہلِ خانہ ملزمان کو معاف کرنے کا حق رکھتے ہیں۔

واضح رہے کہ مقتول صحافی کے بیٹے صلاح خاشقجی نے رواں برس ماہ رمضان میں سماجی رابطے کی ویب سائٹ پر کہا تھا کہ یہ مقدس مہینہ درگزر کرنے کا مہینہ ہے اس لیے ہم اپنے والد کے قاتلوں کو اللہ کی رضا کے لیے معاف کرتے ہیں۔

علم میں رہے کہ سعودی ولی عہد کے سخت ترین ناقد جلاوطن صحافی جمال خاشقجی 2 اکتوبر 2018 کو ترکی کے شہر استنبول میں سعودی قونصل خانے گئے تھے اور پھر وہاں سے واپس نہیں لوٹے تھے، خدشہ ظاہر کیا گیا تھا کہ انہیں قونصل خانے میں ہی قتل کر دیا گیا ہے جس کی بعد میں تصدیق بھی ہوگئی تھی۔

Comments: 0

Your email address will not be published. Required fields are marked with *